बराहक्षेत्र, असार ५ – बराहक्षेत्र नगरपालिकाको वडा नं. ३ स्थित बिचपानी चोकमा आयोजना गरिएको उप–मेयर नगर स्तरीय भलिबल कप प्रतियोगिता २०८२ सुरु भएको छ। प्रतियोगिता यही असार ५ गतेदेखि ७ गतेसम्म सञ्चालन हुनेछ।
प्रतियोगिताको उद्घाटन खेलमा वडा नं. ५ र वडा नं. ७ बीच प्रतिस्पर्धा भएको थियो। खेलमा वडा नं. ७ ले उत्कृष्ट प्रदर्शन गर्दै विजयी भएको छ।
भोलि (असार ६ गते) हुने दोस्रो खेलमा वडा नं. ९ र वडा नं. २ आमनेसामने हुनेछन्।
७ वटै वडाको सहभागिता
प्रतियोगितामा बराहक्षेत्र नगरपालिकाका ७ वटा वडा — १, २, ३, ५, ७, ८ र ९ — को टिमले सहभागिता जनाएका छन्। प्रतियोगिता बराहक्षेत्र नगर खेलकुद विकास समितिको आयोजनामा भएको संयोजक साथै वडा नं. ७ का अध्यक्ष कपिल आचार्यले बताए ।
प्रतियोगितामा विजेताहरूलाई आकर्षक नगद पुरस्कारसहित ट्रफी, मेडल र प्रमाणपत्र प्रदान गरिने आयोजकले जनाएको छ। जसमा पहिलो पुरस्कार: रु ७१,०००, ट्रफी, मेडल र प्रमाणपत्र दोस्रो पुरस्कार: रु ४६,०००, ट्रफी, मेडल र प्रमाणपत्र त्यसैगरी, प्रतियोगितामा विशेष प्रदर्शन गर्ने खेलाडीले नगदसहित ट्रफि पाउनेछन। भने खेलमा दैनिक म्यान अफ द म्याच: प्रत्येक खेलमा रु २५०० नगदसहित ट्रफी प्रदान गरिनेछ।
खेल संयोजक कपिल आचार्यका अनुसार, यस्तो प्रतियोगिताले वडा–वडाबीच आपसी मित्रता, युवा सहभागिता, खेलकुदमा लगाव र सामुदायिक एकता अभिवृद्धि गर्न सहयोग पुर्याउनेछ। उनले खेलकुदमार्फत युवा शक्तिलाई सकारात्मक मार्गमा लाग्न प्रेरित गर्ने विश्वास व्यक्त गरेका छन्।
कार्यक्रममा नगर प्रमुख रमेश कार्कीले नगर उपप्रमुख,नन्दकुमारी सुनुवार , प्रमुख प्रशासकीय अधिकृत ,गणेश बहादुर कटुवाल
विभिन्न वडा अध्यक्ष सदस्य लगायत नगरपालिका कर्मचारीहरूको उपस्थिति रहेको थियो।
