सुनसरी — इलाका प्रहरी कार्यालय महेन्द्रनगर चक्रघट्टीले बराहक्षेत्रका विभिन्न स्थानहरूबाट बरामद गरिएको २२९ केजी गाँजा आज सार्वजनिक रूपमा नष्ट गरेको छ।
बराहक्षेत्रका विभिन्न स्थानहरूबाट नियन्त्रणमा लिइएका उक्त लागुऔषध (गाँजा) इलाका प्रहरी कार्यालय परिसरमै जेसिबी प्रयोग गरी खाल्डो खनेर, स्थानीय जनप्रतिनिधिहरूको उपस्थितिमा पूर्णरूपमा जलाई नष्ट गरिएको हो।
लागुऔषध नियन्त्रण तथा दुर्व्यसन विरुद्धको अभियानअन्तर्गत प्रहरीले यसरी गाँजा नष्ट गरेको इलाका प्रहरी प्रमुख दिवस कुवरले जानकारी दिए।
