— सहारा नेपाल बचत तथा ऋण सहकारी संस्था लिमिटेडको केन्द्रीय कार्यालय चारपाने अन्तर्गत सञ्चालन हुँदै आएको कालावञ्जर सेवा केन्द्रमार्फत दुई जना सदस्यलाई ऋण सुरक्षाअन्तर्गतको क्षतिपूर्ति रकम वितरण गरिएको छ।
वराहक्षेत्र नगरपालिका वडा नं. ४ आन्द्रामोडमा सञ्चालित राजधामी सहारा महिला समूह (समूह नं. १७२) की सदस्य शिला चौधरीलाई उनका श्रीमान आशाराम धामीको निधन पश्चात रु १,०५,००० प्रदान गरिएको हो। त्यस्तै, सनौलो सहारा महिला समूह (समूह नं. १२) की सदस्य गायत्री देवी ढकाल कार्की लाई उनका श्रीमानको निधन पश्चात रु ३०,००० वितरण गरिएको छ।
उक्त ऋण मिनाहा कार्यक्रम अन्तर्गत कुल रकम रु १,३५,००० बराबरको उक्त क्षतिपूर्ति रकम समूह सदस्य तथा स्थानीय अभिभावकहरूको उपस्थितिमा वडा नं. ४ का वडा सदस्य किरण धामीमार्फत हस्तान्तरण गरिएको हो।
सेवा केन्द्र कालाबंजारले अगिल्लो आर्थिक वर्ष ०८१/०८२ मा पनि सदस्यहरुलाई बिभिन्न कार्यक्र अन्तर्गत सेवा दिदै आएको छ, जस्तै सुरक्षित आवास योजना अन्तर्गत ३० परिवारलाई १४०० घना ट्रिटेड बाँस वितरण गरेको थियो। त्यस्तै, परिवार राहत कोष, सदस्य उपचार कार्यक्रम लगायतका योजनामार्फत विभिन्न सामाजिक जिम्मेवारी पूरा गर्दै आएको छ।
संस्थाले ल्याएको बिभिन्न कार्यक्रम अन्तर्गत सदस्य वा सदस्यका श्रीमानको असामयिक निधनमा पारिवारिक आर्थिक भार न्यूनीकरण गर्नका लागि ऋण बराबरको रकम मिनाह गर्ने प्रावधान रहेको सेवा केन्द्र कालाबन्जारका प्रमुख जिवन कटुवालले जानकारी दिनु भयो। साथै संस्थाका सदस्यहरुलाई कुनै पनि अफ्ट्यारा परेको खण्डमा सदस्यलाई सहयोग गरी सधै सहारा नेपाल साकोस सदस्यको हितमा काम गर्ने प्रतिवद्धता समेत जायर गर्नु भयो ।
