सुनसरी । नेपाल दशनामी समाज, युवा समिति सुनसरीको दोस्रो जिल्ला अधिवेशन सोमबार समाजको जिल्ला भवनमा सम्पन्न भएको छ।
इटहरी उपमहानगर समितिका अध्यक्ष डिल्लीराम गिरि, जिल्ला कार्य समितिका कार्यबाहक अध्यक्ष केशव पुरी, प्रदेश सल्लाहकार टीकाबहादुर वन, केन्द्रीय सल्लाहकार खगेन्द्र गिरि, युवा समितिका केन्द्रीय अध्यक्ष अर्जुन गिरी र केन्द्रीय उपाध्यक्ष तेजबहादुर पुरीलगायतको उपस्थितिमा अधिवेशन सम्पन्न भएको हो।
अधिवेशनले सर्वसम्मत निर्णयमार्फत तेजबहादुर पुरी (सन्तोष) को नेतृत्वमा १५ सदस्यीय नयाँ समिति गठन गरेको छ।
नवगठित समितिमा उपाध्यक्ष प्रदीप पुरी, सचिव राजु गिरी, सहसचिव गणेश गिटी, कोषाध्यक्ष दीपक पुरी तथा सदस्यमा सुप्रिया पुरी, कुशल गिरी, घनश्याम पुरी, राजेश वन, महेश वन, अर्जुन पुरी, कविन गिरी, शुभकला पुरी, प्रकाश गिरि र सुवास वन रहेका छन्।
अध्यक्ष पुरीले युवालाई संगठित गर्दै सामाजिक, शैक्षिक र सांस्कृतिक क्षेत्रमा सक्रिय योगदान दिने प्रतिबद्धता जनाएका छन्।
