बराहक्षेत्र, सुनसरी — नेपाल दशनामी समाज बराहक्षेत्र नगरका पुर्ब अध्यक्ष महेन्द्र गिरिले गाउँ–घरमा संकलन गरिएको ३५ हजार २ सय ५ रुपैयाँ बिरामीको उपचारका लागि हस्तान्तरण गरेका छन्।
बराहक्षेत्र–३ नडाहा देबिथान निवासी कुलदिप पुरीकी जेठी दिदी धनमाया पुरी विगत एक महिनादेखि भारतको मुम्बईस्थित एक अस्पतालमा रक्त क्यान्सर (ब्लड क्यान्सर) उपचाररत हुनुहुन्छ। उहाँको उपचारमा सहयोग पुर्याउने उद्देश्यले महेन्द्र गिरिले गाउँ–घरमा अभियान सञ्चालन गरी संकलित रकम अभियान सञ्चालक दिपक पुरीलाई हस्तान्तरण गरेका हुन्।
उपचारमा सहयोग गर्न इच्छुकहरूले थप जानकारीका लागि ९८१९०७५९१० मा सम्पर्क गर्न सक्ने र QR कोड समेत सार्वजनिक गरिएको अभियान सञ्चालक दिपक पुरीले जानकारी दिएका छन्।
