वराहक्षेत्र – वराहक्षेत्र नगरपालिका–१ खारखोलाका नेपाली कांग्रेस सुनसरी क्षेत्र नं. १ प्रदेश सभा २ का सदस्य तथा युवा नेता सन्तोष श्रेष्ठले आफ्नो जन्मदिनलाई सामाजिक सेवामा समर्पित गर्दै असहाय, साधु–सन्तहरुलाई सहयोग गरेका छन्।
साउन २९ गते बिहीबार ३७औँ जन्मदिनको अवसरमा श्रेष्ठले वराहक्षेत्र मन्दिर परिसरमा रहेका करिब ३० जना असहाय, साधु–सन्तहरुलाई खाद्यान्न, रकम र कपडा वितरण गरे। उनले जन्मदिनमा हुने व्यक्तिगत खर्चलाई सामाजिक कार्यमा प्रयोग गरेको जनाए।
“शक्तिहीन र असहाय व्यक्तिलाई जन्मदिनको अवसरमा सहयोग गर्न पाउनु नै ठूलो खुशी हो,” श्रेष्ठले भने।
श्रेष्ठले विगतका जन्मदिनमा पनि वृक्षारोपण, साधु–सन्तलाई भोजन, सडक सुरक्षा बोर्ड र सिसी क्यामेरा जडान, मठ–मन्दिर रंगरोगन, सडक मर्मत तथा असहाय परिवारलाई सहयोग जस्ता कार्य गर्दै आएका छन्।
सन्तोष श्रेष्ठ नेपाली कांग्रेस सुनसरी क्षेत्र नं. १ प्रदेश सभा २ का सदस्य मात्र नभई वराहक्षेत्र खेलकुद विकास समितिका सदस्य र खारखोला फुटबल क्लबका अध्यक्ष समेत हुन्।
