कोशी प्रदेश स्तरीय लोकनृत्य प्रतियोगितामा एभरेस्ट ई. स्कुल प्रथम

प्रतियोगितामा रोयल मेरिगोल्ड स्कुल, पाँचथर दोस्रो, रेड स्टार स्कुल, मोरङ तेस्रो, कर्णाली एजुकेशनल फाउन्डेशन, झापा चौथो तथा मोरङ मेरिगोल्ड स्कुल, मोरङ पाँचौँ स्थानमा रहन सफल भएको छ।

प्रतियोगिताका विजेता विद्यालयहरूलाई ट्रफी, मेडल तथा प्रमाणपत्र प्रदान गरिएको थियो। प्रतियोगितामा जिल्लास्तरबाट छनोट भई आएका कक्षा +२ सम्मका १४ वटा विद्यालयका विद्यार्थीहरूको सहभागिता रहेको थियो।

प्रतियोगितामा सहभागी विद्यालयहरूमा हिमशिखर सेकेन्डरी इङ्लिस स्कुल (सुनसरी), प्याराडाइज सेकेन्डरी स्कुल (उदयपुर), मोरङ मेरिगोल्ड स्कुल (मोरङ), एभरेस्ट ई. स्कुल, पथरी (मोरङ), बराह राइजिङ स्टार (सुनसरी), रोयल मेरिगोल्ड स्कुल (पाँचथर), रेड स्टार स्कुल (मोरङ), प्यारागन एकेडेमी (झापा), कर्णाली एजुकेशनल फाउन्डेशन (झापा), तमोर भ्याली स्कुल (धनकुटा), सयपत्री सेकेन्डरी स्कुल (धनकुटा), खनार सन साइन इङ्लिस स्कुल (सुनसरी), ग्रिन फिल्ड ई. स्कुल तथा शीतलादेवी ई. स्कुल, पाख्रिवास (धनकुटा) सहभागी रहेको प्रदेश अध्यक्ष सुमित थापाले दिए।

सोमबार झापाको दमकस्थित सिद्धार्थ सेकेन्डरी इङ्लिस बोर्डिङ स्कुलको सभाहलमा सम्पन्न कार्यक्रममा प्रदेश अध्यक्ष सुमित थापाको सभापतित्व रहेको थियो भने प्रमुख अतिथिका रूपमा प्याब्सन केन्द्रीय सल्लाहकार नारायण घिमिरेको उपस्थिति रहेको थियो। कार्यक्रममा जिल्ला अध्यक्ष, कार्यसमिति पदाधिकारी, प्रकाशन प्रतिनिधि लगायत विभिन्न अतिथिहरूको सहभागिता रहेको थियो।